លក្ខខណ្ឌប្រើប្រាស់ សេវាកម្មផ្ទេរប្រាក់ក្រៅប្រទេសចំនួនតិច

ប្រការ១ (ទំហំប្រើប្រាស់)

លក្ខខណ្ឌនេះ នឹងអនុវត្តចំពោះ សាជីវកម្មហ្វីនហ្គឺ (ខាងក្រោមនឹងហៅថា "ក្រុមហ៊ុន") និង អតិថិជនប្រើប្រាស់(ខាងក្រោមនឹងហៅថា "អតិថិជន") សេវា『សេវាកម្មផ្ទេរប្រាក់ចំនួនតិត(ខាងក្រោមនឹងហៅថា "សេវាកម្ម")』ដែលក្រុមហ៊ុនផ្តល់ឱ្យ ។

ប្រការ២ (ប្រតិបត្តិការដោយឈ្មោះសម៉ីខ្លួន)

អតិថិជនត្រូវធ្វើប្រតិបត្តិការផ្ទេរប្រាក់ចំនួនតិច ជាមួយក្រុមហ៊ុនដោយប្រើឈ្មោះផ្ទាល់ខ្លួន ។ ក្នុងករណីក្រុមហ៊ុនទាមទារឯកសារចំបាច់ដូចជា ប័ណ្ណបញ្ជាក់ឈ្មោះផ្ទាល់ខ្លួន ដើម្បីបញ្ចាក់អំពីឈ្មោះសម៉ីខ្លួនពិត ក្រុមហ៊ុននឹងអនុវត្តតាមលក្ខខណ្ឌនេះ ។

ប្រការ៣ (ចំនួនទឹកប្រាក់ផ្ទេរ)

អតិថិជន អាចប្រើប្រាស់សេវាកម្មនេះ ផ្ទេរប្រាក់ក្នុងចំនួនដែលបានកំណត់ដូចខាងក្រោម ៖

• ១. ផ្ទេរ ឬទទួលប្រាក់បាន ៣ពាន់ដុល្លាក្នុងមួយដង
• ២. ផ្ទេរ ឬទទួលប្រាក់បាន ២ម៉ឺនដុល្លាក្នុងមួយឆ្នាំ

ប្រការ៤ (គណនីចុះបញ្ជី)

• ១. ក្រុមហ៊ុនអាចផ្ទេរប្រាក់ទៅអតិថិជន និង ទទួលប្រាក់ពីអតិថិជនបានតែ តាមគណនី(ខាងក្រោមនឹងហៅថា "គណនីចុះបញ្ជី")នៃស្ថាប័នហិរញ្ញវត្ថុដែលមានឈ្មោះត្រឹមត្រូវ ដែលបានចុះបញ្ជីក្នុងពេលចុះឈ្មោះសេវាដំបូង(រួមទាំងចុះឈ្មោះផ្លាស់ប្តូរ) ក្នុងប្រតិបត្តិការណ៍ផ្ទេរប្រាក់ក្រៅប្រទេសចំនួនតិច ។
• ២. ក្រុមហ៊ុនត្រូវបង្ហាញ និង គ្រប់គ្រងអត្ថន័យអំពីគណនីចុះបញ្ជីក្នុងលេខ១ឱ្យបានថ្មីជានិច្ច ក្នុងកម្មវិធីរបស់ ក្រុមហ៊ុន។

ប្រការ៥ (ថ្លៃសេវាកម្ម)

• ១. ក្នុងករណីក្រុមហ៊ុនទទួលបានសំណើរប្រើប្រាស់សេវានេះពីអតិថិជន ក្រុមហ៊ុនត្រូវជូនដំណឹងអំពីថ្លៃសេវា(ខាងក្រោមនឹងហៅថា "ថ្ងៃសេវា")ដែលអតិថិជនត្រូវទទួលបន្ទុក តាមផ្នែកយ៉ាងលំអិតដូចជា ថ្លៃសេវាប្តូរប្រាក់, ថ្លៃផ្ទេរប្រាក់ជាដើម្ប ។
• ២. ក្រុមហ៊ុនត្រូវបង្ហាញ នឹងគ្រប់គ្រងអត្ថន័យទាក់ទងនិងថ្លៃសេវា ឱ្យបានថ្មីជានិច្ចក្នុងកម្មវិធីរបស់ក្រុមហ៊ុន ។

ប្រការ៦ (ការប្រើប្រាស់អាត្រាផ្ទេរប្រាក់)

• ១. ក្នុងករណីក្រុមហ៊ុនទទួលបានសំណើរប្រើប្រាស់សេវានេះពីអតិថិជន ក្រុមហ៊ុនត្រូវជូនដំណឹងទាក់ទង់និងការប្រើប្រាស់អាត្រាផ្ទេរដល់អតិថិជន ។
• ២. ក្រុមហ៊ុនត្រូវបង្ហាញអត្ថន័យទាក់ទងនិងអាត្រាផ្ទេរ លើអេក្រក់កម្មវិធីរបស់ក្រុមហ៊ុន មុនពេលផ្ទេរប្រាក់ ។ ហើយត្រូវគ្រប់គ្រងអត្ថន័យនោះ ឱ្យបានថ្មីជានិច្ច ។

ប្រការ៧ (ចំនួនទឹកប្រាក់ ប្រគល់និងទទួល)

• ១. ក្នុងករណី អតិថិជនដែលដាក់សំណើរប្រើប្រាស់សេវានេះ ដាក់ប្រាក់ចូលគណនីចុះបញ្ជី ក្រុមហ៊ុនត្រូវប្តូវទឹកប្រាក់ដែលត្រូវដកជាថ្លៃសេវា ទៅជារូបិយប័ត្របរទេស រួចទើបបញ្ជូនប្រាក់ទៅអ្នកទទួលដែលអតិថិជនស្នើសុំ ។
• ២. ក្នុងករណីក្រុមហ៊ុនទទួលបានសំណើរប្រើប្រាស់សេវានេះពីអតិថិជន ក្រុមហ៊ុនត្រូវផ្តល់ដំណឹងដល់អតិថិជន អំពីចំនួនទឹកប្រាក់ដែលអតិថិជនទទួលឬផ្ទេរ ជារូបិយប័ត្របរទេស និង កូរ៉េ(វ៉ុន) ។

ប្រការ៨ (រយៈពេល)

• ១.ក្នុងករណីក្រុមហ៊ុនទទួលបានសំណើរប្រើប្រាស់សេវានេះពីអតិថិជន ក្រុមហ៊ុនត្រូវផ្តល់ដំណឹងដល់អតិថិជន អំពីរយៈពេលដែលនឹងចំនាយក្នុងការផ្ទេរឬទទួលប្រាក់ ។
• ២. ក្រុមហ៊ុនត្រូវបង្ហាញអត្ថន័យ អំពីរយៈពេលដែលនឹងចំនាយក្នុងការផ្ទេរឬទទួលប្រាក់នៅលើកម្មវិធី ត្រូវគ្រប់គ្រងអត្ថន័យនោះ ឱ្យបានថ្មីជានិច្ច។

ប្រការ៩ (ការលុបចោល ឬ កែសម្រួលការផ្ទេរប្រាក់)

• ១. អតិថិជនអាចដាក់សំណើលុបចោលឬកែសម្រួលការផ្ទេរប្រាក់ ដែលខ្លូនបានស្នើ ហើយដំណើរការផ្ទេរនោះប្រាក់មិនទាន់បានរួចរាល់ តាមរយៈប្រព័ន្ធទំនាក់ទំនង ឬ ទៅសាខាសាជីវកម្មដោយផ្ទាល់ ។ ប៉ុន្តែ បើដំណើរការផ្ទេរនោះប្រាក់បានចប់រួចរាល់ហើយ អតិថិជនមិនអាចដាក់សំណើលុបចោលឬកែសម្រួលបានទេ។
• ២. ក្នុងករណី ក្រុមហ៊ុនទទួលបានដំណើលុបចោលឬកែសម្រួលការផ្ទេរប្រាក់ពីអតិថិជន ក្រុមហ៊ុនត្រូវចាត់ចែងសំណើនោះ រួចជូដំណឹងអំពីលទ្ធផលទៅអតិថិជនវិញ ។

ប្រការ១០ (ការជូនដំណឺងអំពីលទ្ធផលផ្ទេរប្រាក់)

ក្នុងករណីដំណើរការផ្ទេរប្រាក់បានសម្រេចរួចរាល់ ដោយគណនីទទួលបានទទួលប្រាក់រួចហើយ ក្រុមហ៊ុមត្រូវជូនដំណឹងភ្លាមដល់អតិថិជនអំពីលទ្ធផលនោះ តាមលេខទូរស័ព្ទដែលអតិថិជនបានចុះឈ្មោះ ។

ប្រការ១១ (សំណងខាតបង់)

ករណីអតិថិជនរងការខាតបង់ ដោយមូលហេតុដែលជាទំនួលខុសត្រូវរបស់ក្រុមហ៊ុន ទំហំសំណងខាតបង់ត្រូវរួមបញ្ជូលទាំង ការខាតបង់ជំនួញដែលមានចែងក្នុងច្បាប់រដ្ឋប្បវេណី ។ ការខាតបង់ដែលបណ្តាលមកពីកត្តាពិសេស ក្រុមហ៊ុនត្រូវទទួលខុសត្រូវចាប់ពីពេលដឹង ឬ ពេលដែលអាចដឹងពីការខាតបង់នោះ ។

ប្រការ១២ (ការសងប្រាក់វិញ)

• ១. ក្នុងករណី អតិថិជនធ្វើសំណើផ្ទេរប្រាក់ក្រៅប្រទេសចំនួនតិចនេះហើយ តែការផ្ទេរប្រាក់នៅមិនបានសម្រេចរួចរាល់ ក្នុងរយៈពេល១៥ថ្ងៃ គិតពីថ្ងៃដាក់ប្រាក់ក្នុងគណនីចុះបញ្ជី ពេលនោះអតិថិជនអាចដាក់សំណើការសងប្រាក់វិញ ។ បញ្ជាក់ បញ្ហាដែលបណ្តាលឱ្យការផ្ទេរប្រាក់មិនបានសម្រេចនេះ ត្រូវតែបញ្ហាដែលមិនបណ្តាលមកពិអតិថិជន ។
• ២. ករណីក្រុមហ៊ុនទទួលបានសំណើការសងប្រាក់វិញ(លេខ១)ពីអតិថិជន ក្រុមហ៊ុនត្រូវប្រគល់ប្រាក់ដែលអតិថិជនបានដាក់ក្នុងគណនីចុះបញ្ជី រួមទាំងប្រាក់សំណងខាងបង់ ដែលមានកំណត់ក្នុងប្រការ១១ (សំណងខាតបង់) ។

ប្រការ១៣ (ដំណើរការដោះស្រាយជម្លោះ)

• ១. ក្រុមហ៊ុនត្រូវចែងសេចក្តីលំអិតអំពីដំណើរការ(ខាងក្រោមហៅថា "ដំណើរការដោះស្រាយជម្លោះ")ក្នុងការប្រតិកម្មចំពោះ យោបល់ ឬ ការរិះគន់សមហេតុផលរបស់អតិថិជនទាក់ទងនិងកិច្ចការផ្ទេរប្រាក់ក្រៅប្រទេសចំនួនតិច និង ការសងសំណងខាងបង់ ។
• ២. ក្រុមហ៊ុនត្រូវជូនដំណឹងដល់អតិថិជនអំពី របៀបចុះឈ្មោះ(រួមមាន អ្នកទទួលបន្ទុកដោះស្រាយជម្លោះ, ពត៌មានលំអិតរបស់ អ្នកទទួលខុសត្រូវ និង លេខទូរស័ព្ទរបស់ពួកគេ) និង ដំណើរការដោះស្រាយជម្លោះ(ត្រូវចែងដោយបែងចែកជា សេចក្តីលំអិតអំពីការរិះគន់សមញ្ញ និង សេចក្តីលំអិតនៃសំណើរសំណងការខាងបង់) លទ្ធផលដោះស្រាយជម្លោះ (រយៈពេលដោះស្រាយ, របៀបជូនពត៌មានដល់អតិថិជន -ល-) ។
• ៣. នៅពេលអតិថិជនមានគំនិតផ្សេង ទាក់ទងនិងប្រតិបត្តិការណ៍ផ្ទេរប្រាក់ក្រៅប្រទេសចំនួនតិច អតិថិជនអាច ស្នើសុំដំណោះស្រាយតាមឧបករណ៍ដោះស្រាយជម្លោះ(អ្នកទទួលបន្ទុកដោះស្រាយជម្លោះ, អ្នកទទួលខុសត្រូវ)របស់ក្រុមហ៊ុនបាន ។ ចំណែកក្រុមហ៊ុនត្រូវពិនិត្យអំពីបញ្ហានេះ រួចជូនដំណឹងអំពីលទ្ធផលដោះស្រាយទៅអតិថិជនវិញ ក្នុងរយៈពេលដែលបានកំណត់ក្នុងលេខ២ ។
• ៤. ក្រុហ៊ុនត្រូវបង្ហាញពី អ្នកទទួលបន្ទុកដោះស្រាយជម្លោះ, ពត៌មានលំអិតរបស់ អ្នកទទួលខុសត្រូវ និង លេខទូរស័ព្ទរបស់ពួកគេ ក្នុងកម្មវិធី ឬ កន្លែងផ្សេងទៀត រួចគ្រប់គ្រងឱ្យនៅថ្មីជានិច្ច ។

ប្រការ១៤ (ការរក្សាទុកកំណត់ត្រាប្រតិបត្តិការណ៍)

ក្រុនហ៊ុនត្រូវរក្សាកំណត់ត្រាអំពីការប្រគល់ និង ទទួលប្រាក់របស់អតិថិជនរយៈពេល៥ឆ្នាំ យោងតាមច្បាប់ដូចជា ច្បាប់ប្រតិបត្តិការណ៍រូបិយប័ត្របរទេសជាដើម ។

ប្រការ១៥ (កាតព្វកិច្ចរក្សាការសម្ងាត់)

• ១. ចំពោះពត៌មានអតិថិជន(ខាងក្រោមនឹងហៅថា"ពត៌មានអតិថិជន")ទាំងស្រុង ដែលក្រុមហ៊ុនដឹងតាមរយៈដំណើរការប្រតិបត្តិការណ៍ផ្ទេរប្រាក់ក្រៅប្រទេសចំនួនតិច ក្រុមហ៊ុនមិនអាចប្រើប្រាស់ក្នុងគោលបំណងផ្សេង ឬ ធ្វើឱ្យលេចធ្លាយដល់ជនទីបីដោយគ្មានការយល់ព្រមពីអតិថិជនទេ ។ លើកលែងក្នុងករណីកំណត់របស់ច្បាប់ ។ ពត៌មានទាំងនោះមានដូចជា ពត៌មានឯកជន, ពត៌មានគណនី, ប្រតិបត្តិការណ៍ផ្ទេរប្រាក់ជាមួយក្រុមហ៊ុន និង ឯកសារអំពីរបាយការណ៍ -ល- ។
• ២. ក្រុមហ៊ុនត្រូវទទួលខុសត្រូវសំណងដល់អតិថិជនរងគ្រោះ ក្នុងករណីល្មើសចំនុចទី១ ឬ ពត៌មានអតិថិជនត្រូវបានលួច ឬ បែកធ្លាយ ដោយសារការធ្វេសប្រហែសរបស់ក្រុមហ៊ុន ។

ប្រការ១៦ (ការពន្យល់ និង ការប្រគល់លក្ខខណ្ឌ)

• ១. ករណីក្រុមហ៊ុនកំណត់ ឬ កែសម្រួលលក្ខខណ្ឌ ត្រូវជូនដំណឹងតាមគេហទំព័រជាដើម ។ នៅពេលចុះកិច្ចព្រមព្រៀងជាមួយអតិថិជនអំពីការផ្ទេរប្រាក់បរទេសចំនួនតិច ក្រុមហ៊ុនត្រូវពន្យល់លក្ខខណ្ឌឱ្យច្បាស់ ។
• ២. ក្រុមហ៊ុនត្រូវប្រគល់ច្បាប់ចម្លងកិច្ចព្រមព្រៀង ដោយបញ្ជូនជាឯកសាអេឡិចត្រូនិច(រួមទាំងការបញ្ជូនតាម អ៊ីម៉ែល), FAX, ប្រៃសណីយ៍ ឬ ដោយផ្ទាល់ដល់អតិថិជន ។

ប្រការ១៧ (ច្បាប់ត្រូវអនុវត្ត)

ចំពោះអត្ថន័យដែរមិនមានក្នុងលក្ខខណ្ឌនេះ ត្រូវអនុលោមតាមច្បាប់ពាក់ព័ន្ធដូចជាច្បាប់ ជាដើមច្បាប់ប្រតិបត្តិការណ៍រូបិប័ត្របរទេជាដើម ។

ប្រការ១៨(តុលាការមានអំណាច)

ក្នុងករណីមានបណ្តឹងទាក់ទងនិងប្រតិបត្តិការណ៍នេះ តុលាការក្នុងតំបន់ដែលក្រុមហ៊ុនស្ថិតនៅជាតុលាការមានអំណាច។